主持《#後生仔傾吓偈》勁冧大隻主播 馮盈盈怕見光死︰想慢慢睇清楚先

馮盈盈昨日被爆秘戀無綫主播鄭衍峰（Leonard）三個月，二人更被拍到除夕一齊逛超市。昨日盈盈回覆《晴報》時解釋，當日只是一大班朋友去BBQ，二人幫手買嘢食，她更稱︰「我感情狀況抱開放態度，好多人都有機會嘅。」並重申想慢慢睇清楚裙下之臣，明顯對迎接戀情大開綠燈。不少粉絲祝女神早日有拖拍；有網民亦讚二人郎才女貌。

去年12月30日，馮盈盈在IG自爆與同居醫生男友鍾文浩（Martin）分手，男方在本月初被爆與一名長髮女子同遊流浮山下白泥，似有新戀情，盈盈當時回應傳媒時大方送祝福。不過，原來這位25歲女神亦不愁寂寞，有傳媒爆料指她與無綫娛樂新聞台28歲主播鄭衍峰蜜運三個月，更有說是她親自欽點對方，擔任本月初播出的《#後生仔傾吓偈》Speed Dating環節嘉賓之一，盈盈與Leonard在節目中舉止親暱，為了節目效果更公然示愛，似是借節目傳情。

加拿大「傾」出好感情

據悉，《#後生仔傾吓偈》去年拉隊到加拿大溫哥華拍特輯，由於Leonard在當地成長，故拍攝期間身兼導遊，與馮盈盈亦開始變得熟絡。直至去年底，二人更被影到一齊行超市，卻選擇前後腳離開，疑似低調護愛苗。

本報昨日聯絡到馮盈盈，她解釋︰「除夕當日其實係約咗一大班朋友去元朗BBQ慶祝，除咗我同Leonard負責去超市買嘢食，仲有好幾個朋友一齊坐車入去，絕對唔係二人慶祝除夕。」她又指二人「行咁遠」是因為不想惹誤會，怕影響到朋友上新聞。盈盈續稱︰「我同佢係好朋友，其實我會結識新朋友以及同朋友出街食飯好正常，我亦對此好坦誠。」

冀外界留空間護愛苗

對於感情生活，盈盈直言現時抱開放態度︰「好多人都有機會嘅，不過我希望可以慢慢了解清楚佢哋先，好多謝大家咁關心我，但我唔太心急，想慢慢睇清楚先，認識下新朋友，希望大家可以畀空間我，大家咁心急，隨時『扠喎』晒我啲着落喇。」

另一邊廂，Leonard回應傳媒時亦稱要慢慢認識盈盈，又感謝大家覺得他襯得起女方。至於網友亦祝福女神早日有着落；並支持她在感情路上重新出發。

撰文︰Steven

編輯︰陳禮恒

美術︰Simon